Економијата во лер, Азески не очекувал чудо
Објавено во: Економија 07 Јуни, 2018
Според проценетите податоци на Државниот завод за статистика, стапката на раст на бруто-домашниот производ (БДП) за првото тримесечје од 2018 година е само 0.1 %.
Претседателот на Стопанската комора на РМ, Бранко Азески, коментира дека резултатот бил очекуван затоа што немало значајни структурни поместувања во кој било сектор.
„Треба да се биде внимателен, но јас сметам дека треба да се поддржат извозот и индустријата. Ќе опстојуваме на тоа, бидејќи тие се клучни за развој. Можеби не може одма, но мора да се работи“, вели Азески
Во првото тримесечје од 2018 година, најголем пораст е забележан во секторите: Њ, О и П - Уметност, забава и рекреација; Други услужни дејности; Дејности на домаќинствата како работодавачи; дејности на домаќинствата кои произведуваат разновидна стока и вршат различни услуги за сопствени потреби од 12.1 %; Трговија на големо
и трговија на мало; поправка на моторни возила и мотоцикли; Транспорт и складирање; Објекти за сместување и сервисни дејности со храна од 10.5 % и К и Л - Стручни, научни и технички дејности; Административни и помошни услужни дејности од 8.5 %.
Финалната потрошувачка на домаќинствата, вклучувајќи ги непрофитните институции кои им служат на домаќинствата, во првото тримесечје од 2018 година, номинално расте за 4.0 %, а нејзиното учество во структурата на бруто- домашниот производ изнесува 64.3 %.
Во истиот период, извозот на стоки и на услуги номинално се зголеми за 10.4 %, а увозот на стоки и на услуги забележа зголемување во номинален износ од 9.1 %.
А.Т.