Уапсениот судија Наќе Георгиев се жали дека е наместен со понудениот поткуп

Добивај вести на Viber

Притворениот врховен судија за земање поткуп Наќе Георгиев се брани со молчење, вели неговиот адвокат во изјава која ја пренесува ТВ Алфа.

„Нема аргументи се брани со молчење -само дека е наместен во целиот случај, толку. Други детали нема“ рече Александар Тумановски – адвокат на Наќе Георгиев.

Георгиев на 20 мај пред да замине за Струмица, на „Ватс ап“ има договорена средба со блиски членови на семејството на Боро Стојчев кои треба да му дадат кеш во евра, а тој да влијае во судскиот тек на постапката која се води против него.

„Средбата во хотел Вип, во централното градско подрачје е закажана за 15 часот. Георгиев доаѓа тука, разговара и ги зима парите, точно 10 илјади евра ама не знае дека тие се претходно обележани“, пренесува ТВ Алфа.

Планот да тргне кон Струмица му го спречуваат полицајците, па наместо на автопатот кон Штип, понеделникот попладнето врховниот судија завршува во полициска станица Кисела Вода. Околу 21 часоти 20-тина минути една интервента и четири цивилни полициски возила 22 часот го носат во канцелариите на Врховниот суд.

По неколку часовна проверка го враќаат во полициската станица каде ќе ја помине ноќта до следниот ден, вторник кога ќе биде спроведен во Скопскиот кривичен суд во 14 часот и 25 минути. Георгиев по околу два часа пред судија на претходна постапка, каде тврди дека го местат е и невин, завшува во ќелија во Шутка. Се жали, но советот не прифаќа олеснување.

Второосмичениот, обвинителот Иџет Мемети во понеделникот не бил поканет на средбата, но претходно помеѓу него и Георгиев наводно, паднале договори видео повик на мрежата за комуникација „Ватс Ап“. Тој тврди дека не знаел за средбата, немал информации за што посредува Георгиев, но признава дека се знаел со обвинители и судии и со нив пиел кафе.