Марјан Ѓуровски: Спутник V ja отвора вратата во иднина за модус операнди
Објавено во: Македонија 18 Април, 2021
Проректорот на Универзитетот „Св.Климент Охридски“- Битола, Марјан Ѓуровски, смета дека руската вакцина Спутник V ја отвора вратата во иднина за модус операнди на руската надворешна политика и руските разузнавачки служби во Европа и на Балканот.
Ова професорот по безбедност го тврди во контекст на реакцијата на Руската амбасада во Скопје на поддршката на министерот за надворешни работи Бујар Османи што му ја даде на САД во период на тензии на руско-украинската граница.
„Влегувањето на Руската амбасада во вербална расправа со македонскиот МНР е директна повреда на Виенската конвенција за дипломатски односи. МКД е дел од хибридниот конфликт меѓу Русија и Западот. Различни делови од рускиот хибриден апарат се употребуваат во обем и мера според локалните и регионалните потреби на апликација за што потврда е ова јавно манифестирана дрскост на Руската амбасада.“, смета Ѓуровски.
Руската амбасада во Скопје вчера реагираше на твитот на министерот за надворешни работи Бујар Оомани, кој активностите на Русија на руско-украинската граница ги оцени како „заканувачки и дестабилизирачки“.