Макрон порача и дење и ноќе граѓаните да се вакцинираат

Добивај вести на Viber

Во Франција е упатен повик за што помасовна вакцинација. Претседателот на Франција, Емануел Макрон денеска повика на „максимална вакцинација, секојдневно, од утро до вечер, затоа што вакцинацијата е сржта на битката против ковид-19".

Макрон најави и проширување на вакцинацијата на лица на возраст од 70 до 75 години без коморбидитети, пред забрзувањето на кампањата за вакцинација во земјата.

„Прво ќе воспоставиме телефонски број за барање на постарите од 75 години кои сè уште не биле вакцинирани и сите оние кои не успеале да закажат“, рече тој.

На приоритетна листа се сега постари од 75 и постари од 65 со коморбидитети. Макрон рече дека Франција се бори за дозите вакцини што Астразенека ѝ ги должи и ќе продолжи да врши притисок врз компанијата да ги почитува договорите. Француската влада има за цел да вакцинира 10 милиони Французи до средината на април, 20 милиони до средината на мај и 30 милиони до средината на јуни. Во Франција скоро 93.000 луѓе починаа од коронавирусот.