Македонија со најниска плата од екс-ју земјите, во БИХ е најмалу порасната

Добивај вести на Viber

Словенија со остварената месечна нето плата од 1.077,77 евра е екс-ју земјата со највисоки примања во мај оваа година, јавува Анадолија.

Во исто време, таа е единствената плата во регионот која надминува износ од 1.000 евра.

Просечната плата во Хрватска достигна ниво од 866,95 евра (6,352 куни) во мај, додека во Црна Гора таа изнесуваше 511 евра за јуни.

Во Босна и Херцеговина, просечната плата во мај изнесуваше 448,59 евра (881 конвертибилна марка), а во Србија 426 евра (50.377 динари).

Најмалата плата исплатена во мај оваа година беше во Македонија, што е 399,28 евра (24,509 денари)

Црна Гора во јуни оваа година во споредба со претходниот месец регистрира пад од 0,2 отсто, додека просечната нето плата во јуни 2018 година во однос на истиот месец од претходната година е зголемен за 0.2 проценти.

Просечната месечна исплатена нето-плата по вработен во правни лица во Република Хрватска за месец мај беше номинално повисока за 2,1 отсто, а во реални услови за 1,7 проценти во однос на април оваа година.

Просечната плата исплатена во регионот се зголеми за најмногу во Хрватска, за 71,42 евра (беше 795,53 €).

Просечната плата во Србија во однос на минатата година се зголеми за 29,71 евра (тоа беше 396,29 евра), а Словенија за 21,30 евра (изнесуваше 1.056,47 евра). 

Во Македонија е зголемена за 17,3 евра, додека во БИХ за 13,4 евра.