Критики за Трамп: ВО САД ПОЧИНА ПОВЕЌЕ ОД 800 ЛУЃЕ ЗА ЕДНО ДЕНОНОЌИЕ

Добивај вести на Viber

Рекореден број полинати лица во САД за едно деноноќие. Со 800-тини нови починати, бројот се зголеми на 3.700 Американци. Вашингтон пост пишива дека од Ковид-19 во земјата сега се заразени 185.000 лица.

Водечките епидемиолози во Белата куќа, Дебора Биркс и Антони Фаучи, синоќа изјавија дека се предвидуваат од 100.000  до максимални 240.000 смртни случаи од Ковид-19, надевајќи се дека катастрофата може да се избегне ако се почитуваат препораките за ширење на новиот коронавирус.

Најжестоката демократка од Претставничкиот дом на САД, Ненси Пелоси, упати остри критики до претседатело Доналд Трамп, наведувајќи дека пациентите умираат поради задоцнетата реакција на неговата администрација.

-Негирањата на претседателот на почетокот беа смртоносни. Задоцнетото снабдување на опремата таму каде беше најпотребна е смртоносно. Додека претседателот безделничи, луѓето умираат, изјави Пелоси.

Истовремено Пелоси најави дека против Трамп ќе биде отворена и истрага откако кризната ситуација со пандемијата во САД ќе стивне. Од, друга страна, пак Трамп за неа рече дека таа има сериозни проблеми, нарекувајќи ја „болно кученце. Таа има многу проблеми“.

Американскиот претседател ја обвини Пелоси  дека ги игнорирала неговите првични одлуки да ги забрани летовите од Кина и дека ако тој не го сторел тоа САД ќе се соочеле со уште поголема стапка на смртност.