Заболената пациентка е во добра состојба, со лесен облик на коронавирусот

Добивај вести на Viber

Заболената пациентка не одговорила правилно на поставените прашалници кога влегла во државата. Таа не кажала вистински податок на здравствената состојба инаку контролата би била направена веднаш во истиот момент на граничниот премин од граничните службеници кои се соодветно облечени да постапат веднаш .

Запрашан колкави се шансите заболената пациентка да оздрави од вирусот кој зема замав и во Европа, министерот Филипче рече дека заболената е добро. Во добра општа состојба, има лесен облик на болеста, зафатено и е само едното белодробно крило, не е потребна вентилација, ниту пак некој облик на интензивна терапија-кажа министерот на последната пред конференција.

-Со оглед на тоа што има 50 години, и според анамнезата што нема претходна состојба која што би го компромитирала имуниот систем, мислам дека пациентката е во групата на пациенти кои имаат исклучително големи шанси да се излекуваат во периодот што следи, бидејќи и лекувањето започнало уште во Италија-потенцираше министерот Филипче.

Пациентката е изолирана. Сместена е на одделението за интензивна нега на Инфективната клиника.

Коронавирусот не може да се каже кога е најагресивен, а како одминува болеста ризикот се намалува-кажа министерот.

Маска треба да носи лице кое е заболено со цел да спречи да не ја шири инфекцијата.

Никаде во светот нема тераписко лекување на вирусот, а се лекува симптоматски.