КОЈ ЌЕ СЕ ЗБОГУВА СО „ДЕЛЕЊЕТО МУДРОСТ“ НА ПРЕМИЕРОТ - Заев најави преполовување на советниците

Добивај вести на Viber

Премиерот Зоран Заев на вчерашниот прес по изборот на новата Влада најави дека ќе го преполови бројот на своите советници.

„Ќе заштедиме многу пари на народот со тоа што ќе укинеме многу институции некои ќе споиме а јас ќе дадам личен промер и ќе го преполовам бројот на советници во мојот кабинет!“, рече премиерот Заев на пресконференцијата.

А колку всушност советници и надворешни соработници има премиерот Заев.

Според последното истражување на ИРЛ, објвено на крајот на март годинава, Зоран Заев има вкупно 39 надворешни советници,  а заедно со посебните советници во неговиот кабинет се вкупно 63 лица. 

Надворешните советници се од речиси сите области – од економија, дипломатија, здравство, регионална политика, социјала, спорт, односи со јавноста итн. Меѓу нив, како што пишуваше истражувачката лабораторија, има домашни и меѓународни истакнати професионалци, но и контроверзни ангажмани. 

„Премиерот Зоран Заев има 39 надворешни соработници и заедно со советниците и посебните советници во неговиот кабинет чинат вкупно 63 лица кои нему директно му одговараат. За 39-те надворешните соработници кои во моментов се ангажирани, годишно се исплаќаат 307.000 евра“, напишаа тогаш ИРЛ.