Кои се господарите на струјата на македонскиот пазар?

Добивај вести на Viber

Македонскиот пазар на електрична енергија на големо и мало (снабдувачи и трговци) лани генерирал продажби на струја вредни  322 милиони евра. На пазарот учествувале како снабдувачи или трговци вкупно 42 компании, дел од енергијата завршил на нашиот пазар, а дел во извоз. Клучни играчи се во тоа време домашната компанија ЕДС (подоцна продадено на грчкото државно електростопанство) и ГЕН-И (словенечка компанија)

Македонскиот пазар за електрична енергија на струјата се продава по пазарни цени (н.з. не се однесува на домаќинствата чии цени ги утврдува Регулаторната комисија за енергетика РКЕ)  и лани генерирал приход од 322 милиони евра . На неговите два сегменти: слободен пазар (големи и мали потрошувачи) и слободен пазар на големо (н.з. вклучува и енергија што транзитира низ нашата преносна мрежа) тргуваат вкупно 42 компании, покажуваат официјалните податоци објавени од РКЕ во нивниот годишен извештај за 2018 година јавно достапен на нивната веб страница.

Податоците покажуваат дека цените на двата пазарни сегменти лани пораснале во однос на 2017 година. И тоа на сегментот слободен пазар (големи и мали потрошувачи) просечната цена е 56,7 евра за мегаватчас електрична енергија и во однос на 2017 година пораснала за 14,6 отсто. При тоа на подсегментот на големи потрошувачи просечната цена е 57,4 евра за мегаватчас и во однос на претходната година е повисока за 12,4 отсто. На подсегментот на мали потрошувачи просечната цена е 55,5 евра и таа пораснала за 24 отсто во споредба со 2017 година.
На подсегментот слободен пазар на големо просечната цена е 54,4 евра за мегаватчас и таа во однос на 2017 година е повисока за 14 отсто.

Р.Ф.