ФАКТОР НА ДЕНОТ: Почна вакцинацијата, денес има над 1.500 заразени, починаа и две родилки

Добивај вести на Viber

ПОЧНА ВАКЦИНАЦИЈАТА СО АСТРАЗЕНЕКА

Денеска официјално во земјава почна вакцинацијата против корона вирусот со вакцините на АстраЗенека, кои земјава ги доби преку Кобакс механизмот.

ПОЧИНАА ДВЕ РОДИЛКИ 

Две родилки починаа во болница во последното деноноќие како последица од вирусот Ковид-19, дознава Плусинфо.

За двете ова било второ породувње, а нивната здравствена состојба била многу тешка.Едната имала 33, другата 32 години. Како што наведува порталот, бебето на едната родилка е испуштено дома во добра општа состојба, а другото бебе е во критична состојба.

Министерството за здравство информира, согласно податоците од Институтот за јавно здравје:

Во последните 24 часа се направени 4.445 тестирања, а регистрирани се 1.511 нови случаи на КОВИД-19 во:

Скопје – 654, Куманово – 116, Битола – 86, Велес – 68, Прилеп – 64, Тетово – 56, Гостивар – 55, Кавадарци, Штип и Охрид – по 44, Струмица – 38, Гевгелија – 35, Кичево – 25, Неготино -22, Кочани и Радовиш – по 15, Пробиштип – 14, Струга, Свети Николе, Дебар, Берово и Виница – по 11, Валандово – 10, Крива Паланка и Ресен – по 9, Богданци – 7, Македонска Каменица – 5, Кратово и Македонски Брод – по 4, Пехчево и Дојран – по 3, Делчево, Крушево и Демир Капија – по 2, Демир Хисар – 1.

Регистрирани се 587 оздравени пациенти од:

Скопје – 316, Прилеп – 31, Куманово – 26, Велес – 23, Тетово – 22, Кавадарци и Битола – по 18, Гостивар – 17, Неготино -14, Штип, Струмица и Гевгелија – по 13, Крива Паланка – 8, Берово и Крушево – по 6, Кочани, Кичево, Ресен и Пробиштип – по 5, Свети Николе, Богданци, Демир Хисар и Македонски Брод – по 3, Охрид, Радовиш, Виница, Валандово и Демир Капија – по 2, Делчево – 1.

28 ГОДИШНА ДЕВОЈКА ИМА КОМПЛИКАЦИИ ПО ВАКЦИНАЦИЈАТА ВО СРБИЈА

Министерот за здравство, Венко Филипче, на денешната прес-конференција по повод стартот на масовната вакцинација соопшти дека одлуката да не се вакцинираат лица под 60 години со АстраЗенека е од претпазливост.

-Ние одлучивме да бидеме внимателни и да одием полека но сигурно и во таа смисла ќе чекаме дефинитивна потврда дека вакцината е безбедна. Веќе денеска од Германија има други најави дека ќе се продолжи со вакцинацијата, но по направена косултација со лекар. Затоа сакаме да бидеме навистина претпазливи. Денеска имаме закажани состаноци со Комисијата за безбедност при Агенцијата за лекови, МАЛМЕД, со која што сакаме да размениме соодветни информации, евентуално до Европската Агенција за лекови и деректно до германското министерство за здравство, рече Филипче.

ЗАЕВ ДАДЕ КОМЕНТАР ЗА НЕСОГЛАСУВАЊАТА МЕЃУ ФИЛИПЧЕ И ПЕНДАРОВСКИ

Премиерот Зоран Заев денеска во својот коментар за вчерашното препукување и меѓусебно обвинување помеѓу министерот за здравство Венко Филипче и претседателот Стево Пендаровски за доцнењето на вакцините против Ковид-19 го оцени како слобода во демократско општество.

- Слободата е придобивка. Порано беше мисловна именка да не се согласуваат. Здраво е да имеме несогласувања, но тоа не значи дека не се почитуваме, рече Заев, одговарајќи на новинарско барање да ја искоментира вчерашната преписка помеѓу Филипче и Пендаровски.

ЛЕТОВО МОЖЕ ДА ПАТУВАМЕ ВО ГРЦИЈА, НО ИМА УСЛОВИ

Министерот за здравство, Венко Филипче денеска информираше дека е во постојана комуникација со неговиот грчки колега, а во разговор со грчкиот министер за туризам, Хари Теохарис бил известен дека на 14. мај Грција планира да ги отвори граничните премини „Дојран“ и „Евзони“ и за македонските граѓани.