ФАКТОР НА ДЕНОТ: Осомничениот за убиството на жената во Кочани доби притвор, платформата за родова еднаквост бара одговорност за фемицидот

Добивај вести на Viber

ОСОМНИЧЕНИОТ ЗА УБИСТВОТО ВО КОЧАНИ ЗАВРШИ ВО ПРИТВОР

Притвор од 30 дена доби осомничениот за убиство на жена во Кочани со над 40 убоди од нож.

Основниот суд во Кочани му одредни мерка притвор на осомничениот за свирепото убиство на 46 годишната жена. Јавното обвинителство во Кочани отвори истрага за убиство против 59 годишниот осомничен за кој се верува дека над 40 пати ја прободел со нож жртвата.

Oд Платформата за родова еднаквост реагираат дека се случи уште еден фемицид поради непостапување на институциите. Јавноста вчера ја потресе убиството кое се случи во Кочани, каде маж уби жена, мајка на три деца со 40 убоди од нож. 

ОБВИНИТЕЛИ ЗАМИНАЛЕ ВО КОСОВО ПОРАДИ СЛУЧАЈОТ ОНКОЛОГИЈА

Тим од обвинители од Јавното обвинителство вчера со колеги од Косово оствариле средба заради обезбедување докази во врска со предистрагата за работењето на Клиниката за радиотерапија и онкологија наодите дека скапи лекарства од таму се продавале на косовскиот црн пазар.

„Од косовските органи, преку контакт-точките во Европската правосудна мрежа, се побарани конкретни податоци неопходни за проверка на наводите врз основа на кои беше отпочната предистрагата. Притоа, косовските обвинители изразија подготвеност за соработка и за обезбедување на потребните податоци“, објави Обвинителството.

ПЕТРОВСКА ОБЈАСНИ ЗОШТО СЕ ПРОТЕРАНИ РУСКИТЕ ДИПЛОМАТИ

Министерката за одбрана Славјанка Петровска истакна дека тројцата руски дипломати кои неодамна беа протерани се лица кои работеле спротивно на дипломатските правила и се обиделе, односно сакале да се вмешаат во стратешки национални интереси на нашата држава.

УАПСЕНИ ДВАЈЦА СРБИ НА КОСОВО

Ново апсење на Косово. Во селото Бањска се уапсени уште двајца Срби и запленет е арсенал оружје, информираше денеска косовската полиција. 

Тие се уапсени во хотел, а запленети се две возила, едно оклопно возило, како и едно тешко возило - багер, во кое е пронајдено поголем број различно оружје.

ЧИТАЈТЕ УШТЕ

Македонците кои се иселиле или се на привремена работа во странство имаат различни искуства за тоа колку време е потребно за адаптирање во новата средина. Но, повеќето велат дека барем неколку месеци се потребни за прилагодување на животот во друга држава.

Виктор Андонов, советникот за енергетика во кабинетот на премиерот, во последните 20 години е вклучен на разни нивоа во сите 14 обиди да се пронајде приватен партнер за изградба на проектот „Чебрен“.

„Реплек“ станува дефинитивно една од најинтересните компании за купување и продавање акции во државава. Деновиве повторно се случила блок трансакција, и тоа на прилично значаен број акции и солидна сума која за нив била платена, а која надмина половина милион евра.

На македонската банкарска сцена е на повидок присоединување на две банки.