ФАКТОР НА ДЕНОТ: Јавноста згрозена од сликите од битолската болница, денес над 1.000 заразени

Добивај вести на Viber

ФОТОГРАФИИ ОД БИТОЛСКАТА БОЛНИЦА ЈА ЗГРОЗИЈА ЈАВНОСТА

Денеска на Фејсбук, Васко Белески од Битола објави застрашувачки фотографии од Клиничката болница на која се гледаат како во една болничка соба, пациент прима инфузија, а веднаш до него лежат две починати лица.

Директорката на Клиничката болница-Битола, доктор Билјана Гагачовска, за Слободен печат ја потврди објавата, вели дека не станува збор за ковид пациенти туку за лица што починале во тријажниот оддел. 

Таа тврди дека законска обврска на секоја здравствена институција е пациентот кога ќе почине два часа да остане во институцијата, а дека фотографиите се снимени во тој меѓупериод, кога се информирале семејствата, кога се повикувало погребно претпријатие и кога се организирало пренесувањето на починатите во болничката мртовечница.

Министерот за здравство д-р Венко Филипче побара од ДСЗИ да испрати вонреден инспекциски надзор во болницата во Битола. 

ЗА 24 ЧАСА НАД 1.000 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 3143 тестирања, а регистрирани се 1039 нови случаи на ковид-19 во: Скопје-546, Куманово-38,  Штип-27, Прилеп-83, Тетово-30, Струга-24, Велес-25, Битола-41, Охрид-32, Кавадарци-18, Гостивар-48, Гевгелија-14, Струмица-9, Крива Паланка-5, Радовиш-7, Крушево-4, Пробиштип-5, Демир Хисар-6, Македонски Брод -3, Пехчево-1, Берово-1,  Валандово-3, Виница-3, Делчево-3, Кратово-1, Свети Николе-9, Кичево-28, Ресен-14, Неготино-11. 

Денеска Институтот за јавно здравје регистрира 998 оздравени пациенти од: Скопје-402, Куманово-63, Дебар-6, Штип-43, Прилеп-57, Тетово-72, Велес-86, Кавадарци-30, Гостивар-45, Гевгелија-19,  Струмица-40, Крива Паланка-9, Радовиш-13, Кочани-34, Пробиштип-11, Македонски Брод-1, Берово-4, Валандово-4, Виница-14, Кратово-9, Свети Николе-19, Неготино-17.

МАКЕДОНСКИ ИНТЕЛЕКТУАЛЦИ БАРААТ ДА НЕ СЕ ПОПУШТА ПРЕД БАРАЊАТА НА СОФИЈА

Случувањата со Бугарија испровоцираа 62-ца интелектуалци од земјава да испратат отворено писмо во врска со односите со Бугарија. Во ова свое обраќање тие нагласуваат дека историјата на македонскиот народ, македонскиот јазик, македонската култура и литература, односно сето она што го дефинира македонскиот идентитет не смее да биде основа за политички диктат, ниту предмет на расправа на заедничките комисии.

Еве што напишаа интелектуалците: 

ГРУБИ СЕ ИЗЈАСНИ ЗА „ЖОЛТАТА КУЌА“

Maкедонскиот вицепремиер Артан Груби бил во „Жолтата куќа“ во градот Бурел во Северна Албанија во 2004 година како преведувач и во рамките на истрага на Хашкиот трибунал. 

Груби денеска потврди дека во текот на ангажманот за Трибуналот бил преведувач.

ЧИТАЈТЕ УШТЕ

Дефинитивно престанува да постои Еуростандард банка, а нејзиниот имот ќе се распродава и од тоа ќе се наплатуваат пари со кои потоа ќе се обесштетуваат доверителите. Но, веќе на сите им е јасно дека нема да има доволно средства за да се подмират сите штедачи чии пари останаа заглавени во банката.

Речиси 1,9 милијарди евра им должи во моментов државата на купувачите на државните хартии од вредност. Претежно се тоа банките кои купувајќи државни обврзници ги финансираат буџетските потреби.

Бугарија има потенцијал да биде меѓу најголемите инвеститори во Македонија, вели Столе Велков, претседател на Здружението Македонско – Бугарско Пријателство МБП –Скопје.

Поранешниот ракометен репрезентативец Наумче Мојсоски е првата одлука за нов директор во новиот владин мандат, а сега Државната комисија за спречување на корупција го објави и неговиот Анкетен лист, според кој новиот прв човек на Агенцијата за млади и спорт поседува имот од 15-тина милиони денари.

Утринава жестоко одекнаа реакции по постот што го објави новинарот Фуркан Алиу, кој пишува дека на 40-тина медицински сестри не им е продолжен договорот за вработување, а беа дел од кадарот во Итната медицинска помош.

„ОКТА“ во услови на бројни ограничувања на мобилноста предизвикани од здравствената криза, карантинот и вонредната состојба успеа да оствари добивка за првите девет месеци која надмина еден милион евра. Приходите од продажба до крај на септември изнесуваат 186,5 милиони евра