Eве како во Атина се заработуваат по 1.500 евра месечно
Објавено во: Економија, Балкан 05 Август, 2019
Во грчката престолнина, Атина се заработуваат и до 1.500 евра месечно од Airbnb.
Во одредени населби, особено во центарот и во близина на туристичките атракции, сопствениците на станови кои ги издаваат преку платформата Airbnb, имаат месечни приходи што достигнуваат и до 1.500 евра, пишува грчкиот весник „Катимерини“, jави дописничката на МИА од Атина.
„Во летната сезона, просечниот дневен приход достигнува 57 евра, што се претвора во месечна кирија во просек од околу 982 евра. Овој износ произлегува ако се пресмета и месечната исполнетост од 77 отсто“ – пишува грчкиот весник.
Во весникот се наведува дека овие бројки се менуваат и достигнуваат до 1.533 евра месечно во населбите што се популарни.
Според податоците од компанијата за анализа на краткорочни изнајмувања „Airdna“, активни се 11.355 огласи на онлајн платформата само за Атина.
фото Википедија