ЕВАКУИРААТ ИЛЈАДНИЦИ ЛУЃЕ ПО ПРОБИВАЊЕ НА БРАНАТА: На повидок и досега невидена еколошка катастрофа на Дњепар
Објавено во: Свет 06 Јуни, 2023
Илјадници луѓе се
евакуирани откако во текот на ноќта пукна брана во областа Херсон во Украина.
Десетици градови се поплавени, а долгорочната ситуација е опишана како „еколошка катастрофа“, јавува Би-би-си. Украинскиот претседател Володимир Зеленски ја обвини Русија за минирање на браната, додека Москва тврди дека уривањето било „намерен чин на саботажа“ од Киев. Рускиот истражен комитет објави дека покренал кривична истрага. Во меѓувреме, Киев соопшти дека отворил истрага за воени злосторства.
Би-Би-Си јавува дека дабар е снимен како талка по поплавените улици. Браната е важен ресурс, бидејќи обезбедува вода за голем број луѓе, но и за најголемата нуклеарна централа во Европа во Запорожје.
Шефот на нуклеарното набљудување на ОН рече дека недостатокот на вода за ладење во Запорожје може да ги наруши итните дизел генератори - иако се вели дека ситуацијата во централата е под контрола.
Борбите продолжуваат, а Украина извести за руско гранатирање во областите кои се евакуирани.
ФОТО: EPA