Двајца пратеници позитивни - владеачко мнозинство нема: Денеска координација со Џафери
Објавено во: Македонија 13 Октомври, 2020
Ќе има ли можност Парламентот да функционира односно да се обезбедува парламентарното мнозинство? Денеска ќе има координација на пратеничките групи со претседателот на Собранието, Талат Џафери. Почетокот на седницата е закажан напладне. Работата се искомплицира откако беше објавено дека двајца пратеници од владеачката коалиција - Лазе Таневски од СДСМ и Исмаил Јахоски од ДУИ се позитивни на коронавирус.
По направените епидемиолошки анкети, од Центарот за јавно здравје информираа дека нема потреба од изолација на други пратеници, бидејќи мерките во Собранието се почитувале. Сепак ова остави дилема за функционалноста на Парламентот и мнозинството. Владејачкото мнозинство во Собранието брои 62 пратеници од СДСМ, ДУИ, Беса и коалициските партнери, а опозицијата има 58 пратеници од ВМРО-ДПМНЕ и коалицијата и Алијанса на Албанците и Алтернатива.
Координаторот на пратеничката група на СДСМ Јован Митрески изјави дека седницата не е откажана и дека како ќе функционира Парламентот ќе се знае по координативната средба со спикерот.
Од ВМРО-ДПМНЕ наведуваат дека пратеничката група утре ќе има координација по што и официјално ќе се знае дали ќе присуствуваат на седниците. Нивниот став претходно искажан, беше дека нема да му прават кворум на владејачкото мнозинство во Парламентот. Се тврди дека Џафери сака да ја одржи работата на Парламентот и вели дека ќе замоли да нема уцени иако ставот на ВМРО ДПМНЕ беше дека нема да им прават кворум на СДСМ на седниците.
Инаку во Собранието почнува во четврток расправата за ребалансот на буџетот за 2020 година. Сепак тој ќе биде прво на комисиска расправа која може да трае и десет работни дена. За тој период мнозинството може да се комплетира, оти во време кога има собраниски расправи генерално нема пленарни седници. Сепак во Собранието не се усвоени некои клучни закони како тој за задолжување на државата кај Светска банка.Оваа точка е на дневен ред на денешната седница, а други точки се и измените и дополнувањата на Законот за заштита на укажувачи, на Законот за судските такси, на Законот за автокамповите и на Законот за скијалишта, сите во прво читање.
А.Т.
Можеби ќе ве интересира
УШТЕ ЕДНА ГОЛЕМА ИНФОРМАЦИЈА ЗА ЛИДЛ ВО МАКЕДОНИЈА: Планира да вработи 150 работници во нова инвестиција вредна 80 милиони евра
„ПРЕТХОДНО НА ОВАА ТЕРИТОРИЈА ИМАШЕ ДРЖАВА СО ВОДСТВО СО КОЕ НЕ МОЖЕА ДА ИГРААТ МАЈТАП“: Груевски уште еднаш распали, овој пат за Грција и досегашната влада
ФАКТОР НА ДЕНОТ: Таравари вели дека нема дефинитивен договор околу поделбата на ресори меѓу ВМРО – ДПМНЕ и „Вреди“
НАЈЧЕВСКА: Ситни и покрупни националисти ја прават Македонија анахроно место на живеење
ТАРАВАРИ: Колку министерства ќе води „Вреди“ е рано да се каже
МИЦКОСКИ: Ќе има прегласување во изборната единица 5, очекуваме уште еден пратеник таму
MИЦОТАКИС ДО СИЛЈАНОВСКА ДАВКОВА: Jа повикуваме новата претседателка да избегне слични незаконски и провокативни постапки
КРМОВ: ДПМНЕ со АПСОЛУТНО мнозинство НЕМА да го раководи Собранието!
ЛИДЕРОТ НА СИРИЗА ДО МИЦОТАКИС: Ако сметате дека Договорот од Преспа е предавнички, еве ви шанса да го поништите
