Буџетот за идната година денеска на владина седница
Објавено во: Финансии 06 Ноември, 2019
Буџетот за 2020 денеска е на владина седница.
„На дневниот ред на денешната редовна 163-та седница на Владата на Република Северна Македонија е ставен на усвојување Предлог - буџетот на Република Северна Македонија за 2020 година, како и Предлог - законот за извршување на Буџетот на Република Северна Македонија за 2020 година.
На оваа своја седница Владата ќе ја разгледа и информацијата со Предлог - одлука за купување и адаптација на простор во новото седиште на НАТО во Брисел за потребите на Мисијата на Република Северна Македонија при НАТО.
На предлог на Министерството за здравство денеска ќе биде презентирана и информацијата за потребата од набавка и инсталација на медицинска опрема, медицински и немедицински инвентар за потребите на Јавните здравствени установи во Република Северна Македонија.“, соопшти Владата.