Бранко Азески со СКМ оди на Евроазискиот економски самит
![](/media/main/2012/10/branko-azevski.jpg)
Објавено во: Економија 10 Април, 2018
Делегација на Стопанската комора на Македонија, предводена од претседателот Бранко Азески, на 11 и 12 април 2018 година, ќе земе учество на 21-от Евроазиски економски самит, којшто ќе се одржи во Истанбул, Р. Турција. Евроазискиот економски самит, кој е организиран од страна на Фондацијата за стратешки и општествени истражувања „Мармара Груп“, има за цел да придонесува за зајакнување на економските врски помеѓу Европската унија и земјите од Централна Азија, Кавказ, Балкан и Блискиот Исток. На Самитот ќе учествуваат претседателот на Република Македонија, д-р Ѓорѓе Иванов, како и голем број претседатели, поранешни и сегашни министри, амбасадори, стопанственици и претставници од науката. На Самитот ќе бидат опфатени следните теми: „Технологијата наспроти политиката“; „Паметни градови“; „Климатски промени“ и „Жени кои го менуваат светот“.
Десетчлената делегација на стопанственици за време на престојот во Истанбул ќе оствари и работна средба со раководството на Унијата на комори и берзи на Турција (ТОББ) и со стопанственици од Турција.
Унијата на комори и берзи на Турција (TOBB -Türkiye Odalar ve Borsalar Birliği) е главниот репрезент на приватниот сектор во Турција. ТОББ денес брои вкупно 365 членки, меѓу кои се регионални комори на трговија, комори на индустрија, комори на поморски транспорт и берзи. Во ТОББ членуваат повеќе од 1,5 милиони компании. Професионалната поставеност на ТОББ има за цел да дава поддршка на бизнисите на национално ниво во Турција, како и помош при интернационализацијата на турските компании. Претседател на ТОББ од 2002 година е Рифат Хисарџиклиолу, а од 2009 е потпретседател и на EUROCHAMBERS со седиште во Брисел.
Вкупната трговска размена помеѓу Република Македонија и Република Турција во 2017 година достигна 455,8 милиони американски долари, со пораст од 8,55% во однос на 2016 година. Македонскиот извоз во 2017 година достигна 88,6 милиони американски долари, со раст од 25,3% во споредба со 2016 година, додека пак увозот од Турција во 2017 изнесува 367,2 милиони американски долари, со пораст од 5,2% споредено со 2016 година. Се забележува тековен дефицит на македонска страна, којшто во 2017 година изнесува 278,5 американски милиони долари, а исто толку и во 2016 година. Во 2017 година Турција е 8-ми трговски партнер на РМ, како и во 2016 година. Во македонскиот извоз најмногу доминираат производите од металургијата, електрониката, текстилната индустрија и градежни материјали, додека во увозот најмногу доминираат производи од текстилната индустрија и трајните производи за широка потрошувачка.
Можеби ќе ве интересира
АНАЛИЗА: Што ќе се случи со Германија ако си замине од ЕУ?
![](/media/main/250x170/2024/05/20240519180741.jpg)
Сопственикот и главниот оперативен тим одушевени од развојот на Костал во Охрид, компанијата почнува сериско производство на технолошки најнапредна електроника за Фолксваген
![](/media/main/250x170/2024/05/20240519121450.jpg)
Георгиева-Јовевска избрана за една од најуспешните жени менаџерки во земјата
![](/media/main/250x170/2024/05/20240519120829.jpg)
Советничката Милица Арнаудова - Стојановска: Мерките на Народната банка го поттикнуваат „зеленото“ кредитирање
![](/media/main/250x170/2024/05/20240519105450.jpg)
ВАЛУТИ: Вредноста на доларот ослабе, а еврото зајакна
![](/media/main/250x170/2024/05/20240510114512.jpg)
Можеби ќе ви помогне ако патувате во Европа: Еве каде се највисоки а каде најниски цените на горивото
![](/media/main/250x170/2024/05/20240518093247.jpg)
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
![](/media/main/250x170/2024/05/20240517183040.png)
АЗЕСКИ: Господ да му е на помош на тој што ќе донесе милијарда евра
![](/media/main/250x170/2024/05/20240517175733.png)