Акропол во Атина и други локалитети во Грција ќе пречекаат посетители на 18 мај
Објавено во: Балкан 08 Мај, 2020
Уште само десеттина дена пред отворањето на античките археолошки локалитети во Грција. Властите најавија дека од 18. мај ќе бидат повторно ставени во функција за посета на јавноста, а меѓу нив е и најпопуларниот Акропол во Атина.
Поради пандемијата археолошките локалитети, како и музеите беа затворени повеќе од два месеца, но со постепеното укинување на рестриктивните мерки тие ќе бидат отворени на 18. мај.
-Ова е првата фаза на олеснување на мерките, а кон средината на следниот месец е предвидено отворање на музеите, додека во јули пак, ќе бидат дозволени театарските претстави и концертите да се одржуваат само на отворено. Социјалната дистанца секако ќе мора да се почитува и понатаму, изјави грчката министерка за култура Лина Мендони.
Инаку, влера, голем број уметници, како што се музичари и актери, протестираа пред Парламентот со барања за поголема помош од Владата.