Adidas целосно ќе се насочи на онлајн продажба - Колку продавници ќе се затворат?
Објавено во: Економија 10 Април, 2018
Adidas ќе примени нова маркетинг стратегија во наредните неколку години со која значително ќе го пренасочи фокусот на продажба преку интернет со оналјн нарачка на производи, а за таа сметка ќе затвори голем број на физички продавници каде продажбата е намалена.
Со тоа познатиот германски бренд за спортска опрема и чевли ќе ги намали своите трошоци за ангажирање на вработени, за деловен простор и транспорт.
Од друга страна пак, Каспер Рорстед извршниот директор на Adidas за Financial Times изјави дека преостанатите продавници кои нема да се затворат ќе функционираат многу подобро со поквалитетни продажни услуги, а исто така доколку е потребно ќе се отвораат и на нови локации согласно пазарните услови и навиките на купувачите.
„Со тек на време ќе имаме помалку продавници, но ќе бидат подобри“ изјави Рорстед.
Моментално Adidas има 2.500 продавници ширум светот и уште 13 илјади франшизни продавници во кои се продава само тој бренд на спортски опрема.