Добивај вести на Viber
Повеќе од 13 милијарди евра се префрлени на сметки на грчките граѓани во Швајцарија во периодот од 1998 до 2007 година, пренесува „Фајненшл тајмс“ повикувајќи се на изјава на грчкиот новинар Костас Ваксеванис. Тој беше уапсен во неделата, откако неговото списание „Хот Дог“ го објави списокот со над 2000 имиња на лица кои поседуваат дебели сметки во швајцарските банки.
Грчкиот новинар е обвиненет за кршење на законот за заштита на личните податоци, а ако биде прогласен за виновен, новинарот може да добие казна затвор од две години.
Ваксеванис тврди дека списокот е точен и дека содржи легални сметки на бизнисмени и правни лица, како и сметки кои според него се користени за избегнување на даноци или како што вели списокот ја покажува „изопачената политичка култура во Грција“.
Според новинарот не е прекршен законот за лични податоци, бидејќи не биле објавени конкретни суми на сметките, туку само информациите за нивните сопственици.