Зошто секој Bitcoin милионер купува Lamborghini?
Објавено во: Економија 04 Април, 2018
Биткоинот како криптовалута можеби ги бележи најтешките моменти од постоењето со голем пад на вредноста и неизвесност дали ќе може да ги повтори ланските рекордни стапки на раст, но инвеститорите кои веќе се стекнаа со огромни количини на токени и на средства знаат како да уживаат во новото богатство.
Во крипто-заедницата се повеќе се говори дека биткоин милионерите наметнале нов тренд со кој штом стигнат до одредена сума на токени веднаш купуваат бесен спортски автомобил од брендот Lamborghini.
Интересно е што Lamborghini откри дека првиот квартал од 2018 година, како и претходните картали од 2017 им се едни од најдобрите во последната деценија со зголемена продажба на скапи спортски автомобили кои најчесто завршуваат во рацете на биткоин милионерите.