ЗАВРШИ УВИДОТ ВО ДОКАЗИТЕ: Јанева ги виде исказите на сведоците
Објавено во: Македонија 26 Септември, 2019
По три часа поранешната специјална обвинителка, Катица Јанева, го напушти Обвинителството за организиран криминал и корупција, каде вршеше увид на доказите за случајот „Рекет“.
Јанева, како и Боки 13 во обвинителството бараа прво да се запознаат со доказите, па дури потоа да ги кажат своите верзии за аферата.
„Не ни беше даден на увид исказот на второсомничениот, без образложение. Нас ни беа дадени на увид исказите на сведоците, но не и на осомничените бидејќи обвинителството немало таква обврска“, изјавија адвокатите на Јанева.
Јанева беше спроведена пред два дена да даде исказ во Обвинителството, но и таа како и првоосомничениот Бојан Јованоски одлучи да даде исказ откако ќе направат увид во доказите.
Кичеец пред неколку дена замина во домашен притвор, а Јанева и Јовановски остануваат во притвор во Шутка.