(ФОТО) Боки 13 го има само бербер Саше на располагање
Објавено во: Македонија 26 Септември, 2019
Берберот Саше е единствениот вработен во истражниот затвор во Шуто Оризари кои ги потшишува притворениците, меѓу кои е и Бојан Јовановски, ексцентричниот шоумен осомничен во случајот „Рекет“.
Во 70-тината денови додека Боки 13 се наоѓа во притвор, Саше е единствената опција за стилот на Боки 13, иако наместо скапоплатените фризери, овој пат пред себе го има еден од берберите со најскромна плата во земјата. Во јавноста се јавија дилеми кој ли се грижи за изгледот на косата на Јовановски додека тој е во ќелија и чека да заврши истрагата.
Берберот Саше долго време работел без да биде пријавен како вработен во истражниот затвор, иако бил еден од ретките кои во тоа време сакале да работат под тамошните услови и околности, а меѓу првите „славни муштерии“ кои ги имал биле Велија Рамковски и Миленко Неделковски како притвореници.
Претходно морал да потшишува во подрумскиот простор од својата зграда во скопската населба Карпош 4, бидејќи трошоците за работа во изнајмен локал биле големи. Саше успеал да изнајми простор во локалниот трговски центар каде што работел без помошници, а потоа се преселил во Волково каде што формирал семејство. Вообичаената тарифа за потшишување била 100 денари.
Вработени во затворите за Фактор велат дека затворениците и притворениците имаат право на лична хигиена, без оглед кој какви хигиенски навики има. Сепак посебен фризер не смее да доаѓа. Притворениците во Шутка имаат право на бербер, односно право на потстрижување или други третмани на косата, но само кај вработениот од притворот.
Саше можеби е еден од најскромноплатените бербери во Македонија, но може да се пофали дека низ неговите раце поминале голем број познати личности што си имале проблем со законот.