Застрашувачки снимки од дрон над урнатата Грција: Сведоштва од кои се крева коса по силниот земјотрес

Добивај вести на Viber

Среќа во несреќата е што нема човечки жртви, но материјалната штета е огромна

- Луѓето излегоа надвор во паника, неколку куќи беа срушени и црквата во Еласона. Една жена едвај успеа да се спаси, а нејзиниот сопруг параплегичен беше спасен од урнатините на куќата по два часа - изјави Ивана Станојевиќ, туристички работник и администратор на групата „Во живо од Грција“, пренесува Србијаденес.

- Првиот беше околу 12,15 часот по локално време. Потоа следеа 17 помали земјотреси, од 3,5 до 5,5 степени според Рихтеровата скала, а последниот пред неколку часа - вели таа.

„Имавме вртоглавица“

Таа забележува дека земјотресот бил со јачина од 6,3 степени според Рихтеровата скала, што ја погоди областа на 121 километар од Солун, во која има постари куќи изградени во осумдесеттите години од минатиот век.

- Беше на мала длабочина и затоа траеше долго, веројатно половина минута. Тоа предизвика многу вртоглавица. Армијата постави шатори во Еласона и Торнавос, каде што жителите требаше да ја поминат ноќта. Покрај тоа, грчката влада усвои нов пакет построги мерки поради зголемувањето на бројот на заразени, така што од денес движењето е во дозволените граници (супермаркет, лекар, аптека, рекреација), односно ограничено на максимум од два километри - објаснува Ивана.

Снимките од беспилотните летала го покажуваат обемот на катастрофата

Околу 19 часот беа забележани уште неколку силни земјотреси, а најсилниот беше со јачина од 5,1 степени според Рихтеровата скала во Еласона.

За среќа во несреќата немаше човечки жртви, но материјалната штета е огромна. Паднаа фасадите на зградите, како и на автомобилите. На видеото со беспилотно летало објавено од „Глобал њуз“, можете да ги видите вистинските размери на катастрофата.

Фото: tanjug-ap-Vaggelis Kousiros