ЗАСТРАШУВАЧКА ЗАКАНА: Се појавија „Оси убијци“

Добивај вести на Viber

И покрај тоа што САД се се уште под силен удар на корона вирусот, нов терор им се заканува на американските граѓани- „оси убијци“

Огромните азиски оси кои што се 5 сантиметри долги, т.н. Веспа мандариниа, биле откриени во Вашингтон.

Повеќе убоди се смртоносни за луѓето кога овој вид оси се во нивната „фаза на колење“. Тие првенствено ги убиваат пчелите, со чии тела ги хранат нивните млади. Научници сега се обидуваат да ги најдат осите, надевајќи се да го искоренат овој вид пред да ги снема сите пчели во САД.

Иако тие типично избегнуваат луѓе, во Азија, убодите од овие оси се смета дека предизвикуваат дури 50 човечки жртви годишно, наведува Њујорк Тајмс.

Во Универзитетот во Вашингтон не се сигурни кога или како осите прв пат дошле во Северна Америка, но пчелари неодамна објавија застрашувачки податоци за огромен број убиени пчели во кошници за пчели. Научниците се подготвуваат за понатамошна појава и присуство на овие оси, чии животен циклус започнува во пролет.

„Осите се шокантно големи“ изјавил научникот во Универзитетот во Вашингтон, Тод Мјуреј, кој е и експерт за вакви видови инсекти

„Тие се како нешто од цртан филм со монструми со огромен жолто портокалов лик“ кажала Сузан Коби, која што е одгледувач на пчели во рамки на одделението за ентомологија на Универзитетот во Вашингтон.

Иако кошниците со пчели им се примарна цел, овие оси кога чувствуваат опасност, напаѓаат и луѓе. Повеќе убоди можат да бидат смртоностни за луѓето, дури и за тие кои не се алергични.