ЗАСЕГА ЕДЕН МАКЕДОНСКИ ДРЖАВЈАНИН ПОБАРАЛ ЕВАКУАЦИЈА ОД ИЗРАЕЛ - Бујар Османи апелира сите наши граѓани таму да остават свои броеви до МНР
Објавено во: Македонија 15 Април, 2024
Министерот за надворешни работи Бујар Османи на денешната прес-конференција соопшти дека после нападот на Иран врз Израел, еден македонски државјанин побарал да биде евакуиран од Израел.
Македонскиот амбасадор во Израел, пак, со неговото семејство требало да се евакуира, но денеска откако биле пуштени училиштата во функција, останале да видат како ќе се одвива ситуацијата.
„Еден македонски државјанин побара евукација од Израел. Има компанија која има четворица наши државјани таму на работа, кои оставија контакт доколку ситуацијата се влоши, да бидат и тие евакуирани. Се слушнав и со амбасадорот, првично побара да се врати во Македонија, но потоа разговарав со него, и откако се отворија училиштата, тие решија да останат и да ја увидат состојбата. Ако се влошува, тогаш ќе бидат евакуирани. Јас апелирам сите оние кои се таму, да остават броеви до МНР, ако се влоши состојбата, со цел лесно да можеме да ги контактираме и да ги најдеме за евентуална евакуација“, соопшти министерот Османи.
Засега од Иран, пак, ниту еден државјанин на земјава не побарал евакуација.