ЗАКАНИ ЗА МОЛДАВИЈА: На Лавров не му се допаѓа Маја Санду, иста била како Зеленски

Добивај вести на Viber

Молдавија може да е следна, вели рускиот шеф на дипломатијата, Сергеј Лавров. 

Тој повторно индиректно им се закани на властите во Кишињев дека Молдавија може да ја следи Украина. Информацијата ја објави „Романија журнал“, повикувајќи се на молдавската телевизија ТВР.

„Сега се размислува за оваа улога на Молдавија. Пред сè, затоа што успеаја да стават претседател на чело на државата преку многу специфични методи – далеку од тоа да биде слободно и демократски избрана. Оваа претседателка сака земјата да влезе во НАТО, има романско државјанство, подготвена е да се обедини со Романија“, вели Сергеј Лавров.

Санду е проевропска политичарка. Таа е на функција од крајот на 2020 година. Санду минатиот месец рече дека „Русија мора да биде запрена“, како и „да и се помогне на Украина да победи во оваа војна“.

Модлавија бараше системи за противвоздушна одбрана. Властите лани објавија дека Русија ќе ги нападне, само е прашање на време. Според нив, оваа година можно е Русија да почне инвазија на Молдавија. 

Украинскиот министер за одбрана Олексеј Резников претходно изјави дека Русија подготвува нова офанзива и таа може да започне веќе на 24 февруари.