Заев побара прочка: Бев првиот кој повика на помирување
Објавено во: Македонија 01 Март, 2020
Претседателот на СДСМ, Зоран Заев, побара прочка на денот на големиот христијански празник и побара национално помирување со претходно покајување.
- Бев првиот кој повика на помирување на првата годишнина од крвавите настани во нашето Собрание. Подадов рака и понудив да отвориме процес на прочистување од злото што зад себе го остави режимот. Понудив да направиме заеднички подвиг и прв чекор за правда и правна држава и за чист старт за нашата заедничка иднина, вели Заев во еден дел од видеото во кое се обраќа пред граѓаните.
Да ги совладаме суетата и празното самозадоволство и да си пружиме рака за помирување, вели тој во видео пораката.
- Почитувани граѓани, христијани и сите луѓе со добра волја. Денеска е прочка. Празник на простувањето и помирувањето кој повикува да ги совладаме суетата и празното самозадоволство и да си пружиме рака за помирување како одлика на чесни луѓе, порача лидерот на владеачката партија.