Заев: На 15 октомври да ги победиме остатоците од режимот

Добивај вести на Viber

Претседателот на СДСМ, Зоран Заев од централниот изборен митинг во Скопје, ги повика граѓаните заедно на 15 октомври да ги поразат остатоците од режимот воспоставен од Никола Груевски и по централната да ја освојат и локалната власт.

- Ќе го вратиме Мерцедесот на Груевски и со тие пари ќе се набават амбулатни возила за клиниките во Македонија. Да стигне животот во секој град, село, во секое катче. Бараме поддршка од левичари, десничари, центристи, сите, рече Заев.

Тој изјави дека СДСМ во последниве 4 месеци покажале дека се луѓе од збор и дека не се сите исти.

– Македонија ќе биде 30-та членка на НАТО и ќе биде стабилна и почитувана земја која ќе седи на иста маса со сојузниците и ќе носи заеднички одлуки за Македонија, иднината на Европа и целиот Запад, рече Заев.

Лидерот на СДСМ додаде дека во Македонија ќе владеат правото и правдата.

– Ќе помагаме како централна власт да има повеќе пари за општините и ќе гратиме оптшини кои ќе работат за вас, додаде Заев.

Тој ги повика скопјани да обезбедат победа на кандидатот за градоначалник на Скопје, Петре Шилегов, уште во првиот круг.

- Да го ослободиме Скопје од оние кои го урнисаа. Се сеќавате на онаа: „Вистината е како шило“. Е, на овие избори имаме уште едно шило - вистината за Скопје, за Груевски, за Коце... Тоа е нашето шило - Шилегов - рече Заев.