За утре закажана седницата за економската помош, пратеници на СДСМ се враќаат од изолација
Објавено во: Македонија 17 Април, 2021
Кабинетот на претседателот на Собранието, Талат Џафери, објави дека 32-та седница ќе се одржи утре. Оваа седница, која во четвртокот остана незавршена бидејќи немаше кворум за гласање а се работи за Националната стратегија за борба против корупција, е закажана за 14:00 часот.
Најавено е дека по ова, ќе продолжи 36-та седница, во рамките на која има три предлози-Закони од 5-тиот економски пакет за ублажување на последиците од пандемијата Ковид-19.
Не е познато дали ќе соработуваат пратеничките групи на ВМРО-ДПМНЕ и на коалицијата Алијанса/Алтернатива од каде се потребни неколку пратеници да се присутни на седница, зашто нема кворум поради тоа што има тројца пратеници од власта позитивни на коронавирус.
Неофицијално, утре едната пратеничка од СДСМ излегува од изолација.