ЗА ПОСВЕТЛА ИДНИНА: Дојче Банка размислува за радикални мерки
Објавено во: Економија 02 Септември, 2016
Во викендот раководството на најголемата германска банка „Deutsche Bank“ ќе дискутира за радикални мерки за своето спасение, пишува The Wall Street Journal, повикувајќи се на свои извори. Една од овие мерки стана позната во средата: во август „Deutsche Bank„ водела преговори за спојување со втората по средства банка во Федералната република „Commerzbank“.
Но оваа идеја е напуштена, бидејќи е неиздржлива. Вистината е дека самиот факт за овие преговори и средбата викендов можат да значат тоа што банката не може да си дозволи долгорочно преструктуирање, кое беше најавено во есента 2015 година. Ситуацијата брзо треба да се подобри. Раководството на Deutsche Bank, вклучувајќи го извршниот директор Џон Краин, кој ја предводеше банката минатото лето, се однесува ладно кон можноста за спојување, изјавиле за WSJ луѓето запознаени со внатрешни преговори во банката.
Спојувањето може да предизвика прашања во врска со исполнувањето на антимонополното регулирање.
За оваа причина, Deutsche Bankја разгледува продажбата на бизнисот за управување со средства: или целосно или делумно.
Банката би сакала да ја задржи основата на овој бизнис, бидејќи таа носи стабилен приход, но е подготвена да разговара околу можноста за продажба на негови делови.
Во 2015 година банката забележа 6,8 милијарди евра загуби, а за последната година загубила речиси половина од капитализацијата. Ова лето ММФ ја посочи Deutsche Bank со најголем ризик од систематски значајните банки за светскиот банкарски систем. Во стрес тестовите на ЕЦБ Deutsche Bank се нареди меѓу десетте со лош резултат.
На крајот на јуни банката имаше 29 милијарди евра средства од трето ниво на ликвидност (тоа се најмалку ликвидни средства), напиша порано Financial Times.