Вучиќ не сака огради
Објавено во: Балкан 19 Септември, 2016
Српскиот премиер Александар Вучиќ призна во интервју за државната телевизија РТС дека има сериозен притисок внатре во Владата, земјата да почне да гради огради на своите граници за да го спречи миграцискиот притисок.
Според него, министрите Небојша Стефановиќ и Александар Вулин инсистираат за овој тип објекти.
„И само јас сум против, бидејќи не сакам да креваме огради. Србија сепак нема да стане споменик за мигранти" - истакна тој.
Во моментов во Србија има 6.500 мигранти, 81% од нив се од Авганистан.
„Овие млади се агресивни, создаваат проблеми, најмногу во Белград. За прв пат имаме регистрирани кражби и тоа станува се почесто. Тоа не значи дека ќе воведеме репресивни мерки кон нив, но тоа е предупредување"- посочи Вучиќ.
Вели дека меѓу Сиријците имало доктори на светско ниво, но сите отишле кај Американците и Германците.
Србија испрати армија по границите со Бугарија и Македонија, од кои доаѓа главниот дел од приливот на илегални имигранти. Неколкупати Србија се пожали дека Бугарија пропушта мигранти