Добивај вести на Viber
Реформите носат просперитет и инвеститори, изјави српскиот премиер Александар Вучиќ.
Тој во авторски текст во месечникот „Дипломатија и трговија“ објаснува дека инвеститорите сакаат голем пазар и пазар кој расте. Според него не треба да чуди фактот што земјите со најмногу потрошувачи привлекле најмногу странски инвестиции.
Вучиќ смета дека малите земји како Србија можат да привлечат инвестиции преку регионални трговски аранжмани. Во рамки на глобалниот бизнис, секоја балканска земја е мала и затоа во интерес на регионот е да биде поатрактивен за странски инвестиции. Српскиот премиер вели дека економскиот развој е важен за отварање на работни места, трансфер на знаење и напредок.
Премиерот смета дека Србија поседува квалитетна работна сила, а платите се конкурентни.
„Ако ги погледнеме своите податоци, можеме да бидеме горди на она што сме го постигнале. Многу познати компании од ЕУ, САД, Кина, Русија, заливските држави ја избраа Србија за инвестирање на својот капитал, а многу од нив имаат долгорочни планови што значи дека дошле во Србија да останат“-пишува Вучиќ.
Тој признава дека Србија има уште многу задачи да заврши и очекува инвестициите да растат и оваа година.
Наведува дека во 2012 година невработеноста паднала на 24%, па на 17% во минатата година, инфлацијата паднала од 12 на 1.7%, зголемен е извозот и БДП.
Србија ја подобрила бизнис климата и на листата на Светска банка напредувала за 32 места, така што сега е на 59 место.