Добивај вести на Viber
Вработените во МЕПСО масовно се вклучија во акцијата „Ден на дрвото – засади ја својата иднина“ денеска на повеќе локации низ земјава во Скопје, Битола, и во Штип. Повеќе од педестина вработени во МЕПСО денеска организирано на неколку локалции во земјава ќе засадат повеќе од 500 садници.
- За оддржување на далекуводните коридори нашата компанија секоја година согласно со годишната програма мора да расчистува шумски појаси. Тоа е со цел да се одржува стабилна, непречена и доверлива работа на преносната мрежа и на електроенергетскиот систем. Наша цел е преку учеството во оваа акција да засадиме барем тројно повеќе дрва од тоа што се мораме да исечеме, потенцираше Ацо Ристески, директор на подружницата Оператор на преносна мрежа и член на Управниот одбор на МЕПСО, денеска на локацијата за садење во близина на Брњарци, скопско.
На таа локација акцијата организирано ја поддржаа повеќе од 20 вработени во МЕПСО – електромонтери кои се грижат за одржување на преносната мрежа.
- Овде на оваа локација целта ни е да засадиме над 200 садници со што ќе го дадеме нашиот придонес во обновување на шумскиот фонд; Вкупно на сите локации на кои сме присутни планот ни е да засадиме најмалку 500 садници. Колективот на МЕПСО секогаш ја поддржувал оваа акција, а така ќе продолжиме и во иднина, додаде Ристески.
МЕПСО е државна компанија задолжена за јавните дејности: сигурен, непрекинат и доверлив пренос на електрична енергија, за управување со електропреносниот систем и за организација на пазарот на електрична енергија. МЕПСО управува со повеќе од 2.000 километри електропреносна мрежа на 400 kV и на 110 kV напонско ниво вмрежена во повеќе од 50 трансформаторски станици ширум земјава. МЕПСО управува и во пет 400 kV далекуводи со кои Република Македонија е поврзана со соседните електропреносни системи на Република Србија, Република Грција, Република Бугарија и на Република Косово.