Врабчев: Eскалацијата на негативни чувства кон Бугарија значи враќање на Македонија на оската на Белград
Објавено во: Македонија 02 Декември, 2020
Андреј Врабчев од бугарската Фондацијата „Татковина“ вели дека сите точки од Договорот за добрососедство со Северна Македонија станаа жртва на историскиот спор на т.н. историска комисија. Додава дека во моментов бугарската страна е заглавена во историјата, без да сфаќа дека пишува приказна во која ќе биде наведено дека застанала против луѓето што ги дефинира како свои браќа.
Во изјава за БНТ, Врабчев како можно излезно решение од сегашната ситуација, предлага расправата за историските спорни прашања да биде одложена за време кога ќе има поволни услови за тоа.
Смета дека Бугарија во моментов е пречка на Балканот, наместо да учествува во проектот на Европската унија и да го прошири своето влијание во Македонија, вели Врабчев.
„Потребно е брзо решение, затоа што секоја ескалацијата на негативни чувства кон Бугарија значи враќање на Македонија на оската на Белград. Бугарија нема интерес Македонија да назадува и повторно да се сврти кон Белград“, изјави Врабчев.
Тој вели дека бугарската страна треба да се повлече од ситуацијата, бидејќи веќе заборавила до каде е стигнато и кои се заедничките интереси со Македонија.
Македонија се надева на решение, но бугарската страна засега не попушта и не запираат провокативните изјави.