Во уште три земји е регистриран новиот вид на коронавирус
Објавено во: Свет, Корона Вирус 20 Декември, 2020
Во уште три земји го има новиот вид на коронавирусот, потврдија од Светската здравствена организација.
Новиот вид на коронавирусот кој првично беше регистриран во Велика Британија се појави и во Данска, Холандија и во Австралија. Вчера беше објавено дека новиот вид на вирусот го има и во Јужна Африка.
“Новиот вид на коронавирус се појави во Данска, Холандија и имаше еден случај во Австралија, но таму не се прошири понатаму“, изјави техничкиот директор на Светската здравствена организација, Марија ван Керхов, за Би-Би-Си.
Таа потврди дека новиот вид доаѓа од југоистокот на Англија.
„Според информациите споделени од Англија, новиот вид потекнува или од југоистокот на Англија или од Лондон. Таа додаде дека Обединетото Кралство уште во септември го утврдило постоењето на новиот вид на коронавирус„ што се уште кружеше на југоистокот на Англија“, додава ван Керхов.
Ова предизвика загриженост во светот.