Во Љубљана протести за и против бегалците
Објавено во: Балкан
28 Февруари, 2016
Добивај вести на Viber
Две групи вчера протестираа во главниот град на Словенија, Љубљана за и против бегалците.
Полицијата спречи контакт меѓу двете групи со спротивставени мислења. Групите беа во различни делови на градот, а неколку стотини десничари маршираа како и околу 1000 луѓе кои посакуваат добредојде за бегалците.
Двете групи викаа едни на други, но немаше инцидент. Од октомври лани пола милион мигранти поминале низ Словенија на патот кон богатите европски земји.
Словенечкиот премиер Миро Черар изјави дека нема потреба од страв од бегалците и појава на ксенофобија, а претседателот Борут Пахор кажа дека се плаши од порастот на ксеонофобијата затоа што не е најдено решение за бегалската криза.