ВМРО-ДПМНЕ: Заев нема право без консултација да го укине Пржинскиот модел
Објавено во: Македонија 18 Август, 2020
Заев нема право без опозицијата и меѓународниот фактор да го укинува Пржинскиот модел, реагираат од ВМРО-ДПМНЕ.
Велат дека новата коалиција Заев – Ахмети е за продолжување на старите навики на криминал и корупција.
„Самиот Пржински модел беше договорен меѓу опозицијата и власта, Заев нема право без консултација со опозицијата и меѓународниот фактор кој беше гарант на тој модел да го укинува еднострано и да го пазари во договорот за неговата влада. Оттука се работи за уште една нова спектакуларна лага на двајцата лидери која има за цел да се отргне вниманието на крими коалицијата која ќе ја формира владата. Оние кои 4 месеци на оглас откриваат кој ја гради дивоградбата во Мавровка која никне пред очите на целата јавност сега ќе управуваат со буџетот на сите, ќе ја злоупотребуваат и крадат иднината на сите. Ваква крими коалиција е новото цунами во државата“, велат од ВМРО-ДПМНЕ.