(ВИДЕО) Истанбул: Убиени двете жени кои ја нападнаа полициска станица

Добивај вести на Viber

Две жени се убиени откако отворија оган врз полициска станица во истанбулскиот кварт „Бајрампаша“, соопшти турскиот весник "Хуриет".

Повредени се двајца полицајци - едниот во нападот, а вториот при последователната акција за фаќање на напаѓачите.

Двете жени пристигнале на местото на инцидентот со такси. Почнале да пукаат во полициската станица, по што успеале да се сокријат во блиските улици. Полицијата подоцна започна акција во областа околу местото на инцидентот, затворајќи ги сите улици, кои можат да обезбедат излез на напаѓачите.

Во текот на операцијата во која беше вклучен и хеликоптер, двете жени биле блокирани во зграда. Истанбулскиот градоначалник Васип Сахин објави дека двете жени се убиени за време на акцијата против нив.

Информатички извори соопштија и дека е подметната бомба во влезот на управувањето.

Терористите биле тројца - додека двајцата ја местеле бомбата бил отворен оган со пушки.

Полицијата ја опколила областа, пренесени се дополнителни сили.

Во средата полицијата во Истанбул сигнализира дека терористи од "Исламска држава", кои влегле нелегално во Турција, подготвуваат напад во Истанбул. Но е поверојатно денешниот чин да е дело на терористите од Курдистанската работничка партија (ПКК), која е забранета поради сомнение за тероризам, бидејќи токму ПКК користи жени при извршување на терористички напади.

"Бајрампаша" е еден од најгусто населените квартови во европскиот дел на Истанбул. Во овој регион се наоѓа централната автобуска станица.