ВАКВО НЕШТО НЕМАЛО ОД 2014: Цената на нафтата урива рекорди
Објавено во: Економија 02 Октомври, 2018
Регистриран е нов скок на цената на нафтата.
Таа на берзите во Њујорк и Лондон е на највисоко ниво од ноември 2014 година, затоа што постои страв дека американските санкции против Иран ќе доведат до пад на понудата на светскиот пазар.
Барел американска нафта (VTI) за испорака во ноември ја зголеми цената за 2,05 долари и се искачи на 75,30 долари на Њујоршката берза.
Во Лондон, цената на нафтата тип Брент за испорака во декември, го заврши денот со цена од 84,98 долари, што е за 2,25 долари повеќе во споредба со затворањето на берзата во петокот.
Американските санкции против Техеран теоретски ќе стапат на сила само во ноември, а иранскиот извоз веќе значително се намали. Со 1,72 милиони барели дневно во септември, тоа е веќе на најниско ниво од февруари 2016 година, јавуваат американски медиуми.
Извозот се намали за 39 отсто од април, непосредно пред американскиот претседател Доналд Трамп да најави повлекување на САД од иранскиот нуклеарен договор.