Уште еден напад на ПКК во Турција - деветмина се убиени
ПКК синоќа изврши нов напад во Источна Турција.
Објавено во: Балкан 16 Септември, 2016
Во нападот седум полицајци и две воени лица се убиени, а тројца војници и двајца цивили се ранети од бунтовници од Курдската работничка партија (ПКК) во околината на село Ѓокчебулак во округот Агри во Источна Турција.
Оваа информација ја објави весникот „Милиет”, повикувајќи се на соопштение на локалните власти. По нападот имало и престрелка, по што во областа следувала голема акција за пронаоѓање на сторителите, којашто е потпомогната од полициски хеликоптери, и која уште трае.
Ваквите напади зачестија во Турција. Неодамна имаше и смена на градоначалници во општини населени со Курди, поради сомнение дека се поддржувачи на имамот Фетулах Ѓулен.