Унгарија има најмногу вакцинирани, но и починати од корона
Објавено во: Балкан, Корона Вирус 29 Март, 2021
Унгарија е прва во ЕУ по вакцинации, но и по жртви од ковид-19.
Државата вакцинирала поголем дел од своето население од која било друга европска земја. Ова го покажуваат податоците на Европскиот центар за превенција и контрола на заразни болести, но земјата сè уште е меѓу првите во светот по бројот на смртни случаи од Ковид-19. Досега 21,6 отсто од луѓето во Унгарија примиле најмалку една доза од вакцина против Ковид-19. Сепак, масовното вакцинирање, кое вклучува и кинески и руски вакцини, не е во состојба да го забави ширењето на пандемијата. Ова ја позиционира Унгарија на трето место во светот по смртноста од Ковид-19 по глава на жител. Унгарија регистрира 21.161 починат од коронанавирусот. Потврдени се повеќе од 640.000 ковид случаи.
foto freepik