Туск кон економските мигранти: Не доаѓајте во Европа. Не верувајте на им на шверцери!
Објавено во: Балкан 03 Март, 2016
Претседателот на Европскиот совет, Доналд Туск ги предупреди економските мигранти кои се упатиле кон Европа, да не доаѓаат во Стариот континент.
Тој исто така ги критикуваше земјите членки, кои презеле унилатерални чекори за справување со кризата, пренесе AFP.
"Сакам да се свртите кон сите потенцијални илегални економски мигранти, независно од каде доаѓаат. Не доаѓајте во Европа. Не верувајте о, на шверцери. Не ризикуватјте со животот и парите", изјави Туск по средбата со грчкиот премиер Алексис Ципрас во Атина.
Туск исто така, ги критикуваше и едностраните дејствија од страна на земји-членки на ЕУ, а според него тие ја "напаѓаат довербата" и сакаат да го поделат блокот.
"Едностраните решенија без претходна координација, дури и да се разбирливи во национален контекст, се всушност погубни за европскиот дух на солидарност", рече тој.
Неговите коментари се во врска со одлуката на Австрија да го ограничи дневниот влез на мигранти на својата територија, што доведе до слични мерки и во други земји од Балканскиот пат, меѓу кои Словенија, Хрватска, Македонија и Србија.
Претходно Унгарија, Полска, Словачка и Чешка ветија дека ќе им помогнат на Бугарија и Македонија да ја затегнат контролата на границите со Грција, во случај дека Атина да не успее да го ограничи приливот на мигранти од Турција до средината на март.
Од своја страна, грчкиот премиер Алексис Ципрас денеска изјави дека би сакал да бидат наметнати санкции врз земјите од ЕУ кои ги поткопуваат општите одлуки на блокот. "Грција ќе сака ... да има санкции за оние кои не ги почитуваат (европските договори за солидарност)", рече тој, велејќи дека она што било договорено, треба да се почитува.
Некои од земјите на ЕУ повикаа на исклучување на Грција од Шенген зоната, освен ако не преземе строги мерки за запирање на миграцискиот поток.
Според Туск сепак тоа не би било решение на сегашната криза. "Исклучувањето на Грција од Шенген не ниту крај, ниту средство на оваа криза. Грција е дел од Шенген, од европската заедница и од ЕУ и ќе остане таква ", изјави европскиот претставник.
Тој исто така, истакна дека Грција и која и да било друга европска земја нема повеќе да бидат транзитни држави, а Шенгенскиот договор повторно ќе влезе во сила.
Посетите на Туск во Грција и подоцна во Турција се дел од регионалната турнеја, во рамките на која тој ја посети и Словенија и Македонија. Во петокот претседателот на Европскиот парламент ќе се сретне со турскиот претседател Реџеп Ердоган во Истанбул.
Во средата европската унија предложи да обезбеди 700 милиони евра во вонредна помош за Грција и другите земји за справување со бегалската криза.
Според податоците на грчката полиција во вторникот 500 мигранти биле пуштени да преминат на македонска територија. ЕУ од своја страна истакнува дека 12 000 лица се наоѓаат на граничниот премин Идомени.