Туск: Излез на Грција од Шенген зоната нема да ја реши бегалската криза
Објавено во: Балкан 16 Февруари, 2016
Отстранување на Грција надвор од Шенген зоната нема да ја реши бегалската криза, смета претседателот на Европскиот совет, Доналд Туск. Тој е во посета на Атина во потрага по излез од проблемот, пренесе Ројтерс.
Неговиот коментар беше даден по повод зголемениот притисок на другите земји од ЕУ, Грција да ги почитува своите обврски како член на Шенген и да ги зачува надворешните граници на просторот.
Едни од најголемите критичари на Атина се покажаа земјите од Вишеградската четворка кои повикаа на зајакнување на границите меѓу Грција и Македонија и меѓу Грција и Бугарија со цел да биде ограничен протокот на бегалци по т.н. „Балкански пат“.
Во Атина Доналд Туск истакна дека бегалците ја тестираат „кохезијата на ЕУ до возможни граници“.
По средбата со Туск премиерот на Грција Алексис Ципрас повторно повика на единствено европско решение на кризата, засновано на меѓународното и европското право, додава јавната грчка телевизија ERT.
Тој забележа дека е потребно да се забрза ефикасноста во однос на сите запишани досега решенија за ограничување на миграционите притисоци.
Во понеделникот грчки медиуми коментираа дека земјата ќе отвори уште три бегалски центри во рамките на оваа недела. Така Атина ќе може да го прикажено завршеното за време на Европскиот совет, закажан на 18 и 19 февруари.
Главните теми на европските лидери ќе бидат бегалската криза и можноста Британија да ја напушти ЕУ. Во однос на темата за можен „Brexit“ Ципрас е убеден дека не е време за каков и да било “излез“ или exit (навестување и за дискусии во текот на летото на 2015 година „Grexit“ - излегувањето на Грција од еврозоната ), а за обединување на силите во ЕУ.