Турција помогна во Сирија да се „ослободи“ голем простор од „Исламска држава“
Објавено во: Балкан 02 Септември, 2016
Турската воена операција во Сирија напредува успешно и веќе ѝ овозможила на земјата да „ослободи“ голем простор од „Исламска држава“ и курдските сили поддржани од САД, изјави турскиот претседател Реџеп Таип Ердоган.
Ердоган вели дека долго време барал формирање таканаречена „безбедна зона“ во Сирија, идеја која беше игорирана или отфрлена од страна на светските сили.
Тој наведува дека и Исламска држава (ИСИС, Даеш) но и курдските оружени сили ИПГ претставуваат подеднаква закана за турската национална безбедност.
Турските војници влегоа во Сирија на 24 август, наводно за да ја исчистат границата од милитантите на ИСИС. Потиснувајќи ги џихадистите, турските трупи во рамки на операцијата „Штитот на Еуфрат“ се судрија и со курдските милиции.
Вашингтон потоа побара Турција да се воздржи од напади врз Курдите. И Москва побара од Анкара да не ги напаѓа опозициските и етничките групи, советувајќи ги турските власти да ги координираат своите акции со Дамаск.
Властите во Дамаск го осудија турското преминување на границата како нарушување на сирискиот суверенитет.