ТУРЦИЈА ОТКАЖУВА ПОСЛУШНОСТ: Ништо од договорот со бегалците, ако не добие …
Објавено во: Балкан 01 Септември, 2016
Турција нема да го исполнува договорот за реадмисија со ЕУ, насочен за запирање на приливот на илегални мигранти, ако на Турците не им биде обезбедена можноста за безвизно патување во ЕУ, како што беше ветено.
Тоа денеска го изјави турскиот министер за ЕУ Омер Челик на прес-конференција во Анкара .
„Турција нема да го исполнува договорот за реадмисија без визната либерализација. Зошто? За да сме сигурни дека ќе соработуваме повеќе и ќе ги решиме овие проблеми“, рече Челик. Тој дополни дека Турција ги исполнува обврските по договорот со Брисел.
Еврокомесарот Аврамопулос забележа дека Турција постигнала напредок по барањата за безвизен режим, но се уште има да прифаќа клучни реформи.
„Европската унија ќе обезбеди поддршка и помош на Турција за ги исполни последните детали и барања за да го отвори патот за нашата заедничка желба да видиме наскоро турските граѓани да патуваат без визи во Европа“, рече тој.
Во март Анкара и Брисел се договорија Турција да го запре бегалскиот поток кон Европа, а во замена да добие финансиска помош и безвизен режим за турските граѓани.