Турција дава можност за снабдување на гас до Грција преку „Турски поток“
Објавено во: Балкан 05 Септември, 2016
Турската страна дава можност за снабдување на гас по гасоводот „Турски поток“ на границата меѓу Турција и Грција. Ова го соопштил шефот на „Газпром“ Алексеј Милер.
Одговарајќи на прашање, дали тоа значи дека во најскоро време турските државни органи ќе преоформат дозволите, кои претходно биле издадени за проектот „Јужен поток“, и дека може да биде продолжена работата на проектот во претходната конфигурација - со цевка за Бугарија, Милер одговори: „Не станува збор само за преоформирањето на сите издадени дозволи порано за „Турски поток“, морскиот гасовод од Русија за Турција“.
Коментирајќи ја можноста дали гас преку „Турски поток“може да се испорачува во Европа, претседателот на „Гаспром“, вели: „Турската страна обезбедува таква можност на границата на Турција и Грција“.
Претходно рускиот министер за енергетика Александар Новак соопшти дека во октомври оваа година се предвидува да се потпише проектот за меѓувладина спогодба, а исто така да се стартуваат работите за реализацијата на првата делница од „Турски поток“ по добивањето на сите потребни дозволи за изградба и студија во турските територијални води. Проектот „Турски поток“ беше анонсиран од руското раководство во почетокот на декември 2014 година, како замена на „Јужен поток“.
Се планираше дека морскиот дел на „Турски поток“ ќе вклучува четири цевки со моќност од 15,75 милијарди кубни метри. Гасоводот требаше да дуплира дел од маршрутата на „Јужен поток“ - 660 километри и уште 250 километри по нов коридор во насока на европска Турција.