Турските власти запленија имот на Ѓулен вреден 4 милијарди долари
Објавено во: Балкан 01 Септември, 2016
Над 2500 објекти недвижен имот, на припадниците на „Терористичката организација на Фетхуллах Ѓулен“ (ФЕТО) во Турција, се запленети и веќе се во рацете на државата.
Ова го соопшти министерот за екологија и просторно планирање на Турција Мехмет Озхасеки.
2514 недвижни објекти се предадени на Турција, а кон Главното управување на фондовите се префрлени 2083.
Вредноста на имотот е огромна. Во државната каса од недвижност се примени 8,3 милијарди фунти a во фондовите - 2,7 милијарди фунти, рекол тој.
Министерот истакнал дека има уште околу илјада објекти недвижен имот, поврзани со Ѓулен, кои исто така ќе се земаат од државата. Вкупната вредност на сите имоти, според него, е 12 милијарди фунти.
ФЕТО е општото име на голем број организации кои се поврзани со движењето „Хизмет“ на Фетхуллах Ѓулен. Исламскиот проповедник и неговите поддржувачи во Анкара се обвинети за учество во обидот за преврат на 15 јули.
На крајот на јули беа земени мерки за справување со сите институции поврзани со Ѓулен- училишта, универзитети, болници, јавни организации и медиуми.