Турскиот премиер Ахмет Давутоглу поднесе оставка во партијата
Објавено во: Свет 05 Мај, 2016
Турскиот премиер Ахмет Давутоглу денеска поднесе остава на функцијата претседател на владејачката Партија на правдата и развојот, што според статутот на партијата значи и дека повеќе нема да биде премиер.
Неговата одлука стапува на сила веднаш по вонредниот партиски конгрес закажан за 22 мај. Давутоглу кажа во вторникот дека попрво „ќе го прегази своето его“, отколку да го загрози интересот на својата партија, од која доаѓа и Ердоган, кого на чело на партијата го замени кон крајот на 2014 година.
Тој имаше разговори со претседателот, Реџеп Таип Ердоган откако неодамна се судрил со него околу планираните промени на уставот на Турција, кои би довеле до зајакнување на позицијата на шефот на државата.
Давутоглу на функциите го наследи Ердоган кон крајот на 2014 година, откако вториот надмоќно победи на првите претседателски избори на кои со непосредно гласање на избирачите се гласаше за шефот на турската држава.