Турција уапси 40 странци за врски со ИД
Турција уапси 40 странци за врски со групата „Исламска држава“.
Објавено во: Балкан 19 Септември, 2016
Турската полиција уапси при акции во Истанбул 40 странски државјани, осомничени за врски со групата „Исламска држава", пренесоа агенциите, повикувајќи се на агенцијата Анадолија.
Полицајците извршиле акции на 23 адреси во истанбулскиот кварт Фатих.
Меѓу уапсените има државјани на Авганистан, Иран, Ирак и Азербејџан.
За некои од осомничените има информации дека биле во конфликтни области во Сирија.